बुधबार, ३ कार्तिक २०७८
  • adarsha computer nuwakot
  • समुद्रमा डुबेर अष्ट्रेलियामा नेपाली विद्यार्थीको मृत्यु

    समिकरण न्युज २०७६, २३ फाल्गुन शुक्रबार ११:२७ पढ्न लाग्ने समय < 1 मिनेट

    अष्ट्रेलियामा समुद्रमा डुबेर एक नेपाली विद्यार्थीको ज्यान गएको छ। 

    क्विन्सल्याण्ड राज्यको समुद्रमा डुबेर पोखरा स्थायी घर भएका निकित श्रेष्ठको ज्यान गएको हो। बुधबार दिउँसो पौडी खेल्ने क्रममा निकेसलाई छालले बगाएको थियो ।

    छालमा बगेर बेपत्ता भएपछि उनीसँगै पौडी खेलिरहेका साथीहरूले उद्धारकर्मीलाई सम्पर्क गरेका थिए। उद्धारकर्मीले ५ मिनेटपछि किनारबाट २ सय मिटर पर तैरिरहेको अवस्थामा निकेसको शव भेटाएको एनआरएनए क्विन्सल्यान्डका संयोजक उमेश खड्काले जानकारी दिए।

    निकेस फेडेरेसन युनिभर्सिटीमा अध्यनरत थिए। उनी चार जना साथीसँग पौडी खेल्न समुद्रमा पुगेका थीए।

    अहिले उनको शव ब्रिजवेनको कुपर प्लेनस्थित शवगृहमा राखिएको र नेपाल पठाउने तयारी गरीरहेको खड्काले जानकारी दिए।

    घटनाबारे जानकारी पाएलगत्तै  क्विन्सल्यान्डका एनआरएनएले आफन्त, परिवार र प्रहरीसँग समन्वय गरेका थिए।

    ‘हामी आफन्त र परिवारसँग सम्पर्कमा आईसकेका छौं, आवश्यक सबै सहायता उपलब्ध गराउनेछौं,’ खड्काले भने।

    #प्रवास

    फेसबुक प्रतिक्रिया