समुदायका दुईमा कोरोना संक्रमण नुवाकोटमा संक्रमित ६३ पुग्यो

नुवाकोट । नुवाकोटमा समुदायमा कोरोना संक्रमण बढ्न थालेको छ । आज विदुर नगरपालिकामा समुदायका २ जनामा कोरोनाको पीसीआर रिपोर्ट पोजेटिभ आएको हो । 
विदुर नगरपालिकाका ३१ वर्षिय महिला र २२ वर्षिय पुरुषमा कोरोना संक्रमण पुष्टी भएको हो । हालसम्म नुवाकोटमा कोरोना संक्रमितको संख्या ६३ पुगेको छ । संक्रमितमध्ये १३ जना त्रिशूली अस्पताल, ४ जना खरानीटार अस्पताल, ४ जना काठमाडौंमा आइसोलेसनमा रहेका छन् । ४२ जना निको भएर फर्किसकेका छन् ।