गजल

हजुरको महलमा चाडपर्व पनि रमाएर आउँछ ।
हेर्नुस म गरीब दुखीको त घाटी समाएर आउछ ।

कहिलै छोडेन आखिर भोकमरीले ज्यान लग्यो ।
यहि सोचेर बसिन् आमा छोरो कमाएर आउछ ।

एउटा ऊ थियो जो अन्जान बनेर गएको थियो ।
अर्को उस्को याद हर रात मुटु झम्झमाएर आउछ ।

सायद भाग्यरेखामा यस्तै यस्तै लेखिएर होला ।
कोही हिरा कोहि पत्थर हातमा थमाएर आउछ ।

उता लुटिदैछिन आमा अनि हाम्रो देशको सिमाना ।
शत्रु, कुन सन्तान अब हातमा दही जमाएर आउछ ।

बिद्या शर्मा कालाखेती
चारघरे नुवाकोट ।